Në objektin e veprimtarisë së Shërbimit Gjeologjik Shqiptar përfshihen:

• Studimet, vrojtimet, shërbimet, përgjithësimet dhe monitorimet gjeologjike sistematike bazë të vendit, nëpërmjet hartografimit kompleks Në shkallë të ndryshme, në ndihmë të zhvillimit ekonomik, të mirë-administrimit të territorit, burimeve minerale, hidrokarbure, ujore, etj.
• Studimet, vrojtimet, shërbimet, përgjithësimet dhe monitorimet gjeokimike, gjeofizike, përfshirë sizmikën e cekët (inxhinierike), elektrometrinë, magnetometrinë, gravimetrinë, radiometrinë, matjet e monitorimin e radonit në tokë, ujë, ajër, si dhe në mjediset e brendshme, të çdo lloji e niveli.
• Kërkimi dhe vlerësimi i mineraleve metalore, jo metalore, materialeve industriale, hidrokarbureve, burimeve ujore nëntokësore, ujërave të pijshëm e industrialë, ujërave minerale, termale e gjeotermale. Kontrolli i bilancit të tyre në mënyrë të vazhdueshme.
• Studimet, vrojtimet, shërbimet, përgjithësimet dhe monitorimet hidrogjeologjike për rivlerësimin e baseneve ujore, monitorimin e tyre dhe përcaktimin e masave për ruajtjen e rezervave ujore nëntokësore.
• Studimet, vrojtimet, shërbimet, përgjithësimet dhe monitorimet gjeologjike komplekse për mjedisin.
• Studimet, vrojtimet, shërbimet, përgjithësimet dhe monitorimet gjeologo-inxhinierike.
• Studimet, vrojtimet, shërbimet, përgjithësimet dhe monitorimet agro-gjeologjike e të erozionit.
• Studimet, vrojtimet, shërbimet, monitorimet gjeologjike të gjithë vijës bregdetare dhe të shelfit kontinental të vendit, të dinamikës e veprimit të detit me tokën, të litologjisë së substratit dhe pasuritë e ndryshme detare e nëndetare.
• Studimet, vrojtimet, shërbimet, përgjithësimet dhe monitorimet e thelluara shkencore për gjeologjinë dhe metalogjeninë.
• Përgjithësime, vrojtime, monitorime e dokumentime të gjithë punimeve inxhinierike që kanë të bëjnë me gërmimin e tokës.
• Punimet topografike të shkallëve të ndryshme dhe matjet gjeodezike.
• Krijimi i bazës së të dhënave gjeologjike, të mineraleve të dobishme, gjeologo-inxhinierike, hidrogjeologjike, gjeo-mjedisore etj,; vënia në dispozicion e këtyre të dhënave organeve të pushtetit qendror e lokal dhe subjekteve të tjera të interesuara; përgatitja, publikimi dhe komercializimi i informacionit gjeologjik, bazuar në aktet ligjore e nënligjore në fuqi.
• Promovimi i perspektivës së mineraleve të dobishme.
• Monitorimi dhe vlerësimi i lejeve të kërkim-zbulimit.
• Kryerja e shërbimeve të ndryshme për të tretët.
• Kryerja e studimeve për emergjencat civile, gjeologjike, gjeologo-inxhinierike e hidrogjeologjike.
• Kryerja e oponencave për të gjitha llojet e studimeve në fushën e gjeoshkencave.