Drejtore e Hidrogjeologjisë

Tirana, AL

Sonila.Marku@gsa.gov.al




Drejtoria e Hidrogjeologjisë

SHGJSH: Institucioni i ngarkuar për vlerësimin dhe studimin e ujërave nëntokësore
SHGJSH kryen vlerësime e studime dhe bashkëpunon për menazhimin dhe ruajtjen e burimeve ujore nëntokësore. Objektivi kryesor është menazhimi i qëndrueshëm i ujërave nëntokësore që kanë cilësi dhe sasi të mjaftueshme për përdorim praktik.
Për realizimin e këtij objektivi në përbërje të SHGJSH funksionon Drejtoria e Hidrogjeologjisë, e cila me bazën e të dhënave dhe ekspertizën që zotëron kryen:
1. Vlerësimin sasior të ujërave nëntokësore
  1. Vlerësime dhe studime për funksionimin e akuiferëve dhe ruajtjen e hidrosistemeve.
  2. Gjeometrizime të trupave ujore nëntokësore.
  3. Hartografime hidrogjeologjike për qëllime të ndryshme përdorimi e në shkallë të ndryshme paraqitje.
  4. Kërkim-zbulim të burimeve të reja ujore nëntokësore (sidomos në akuiferët karstikë dhe ato shkëmbore).
  5. Ndikimin e ndryshime klimatike në resurset ujore nëntokësore.
  6. Vlerësime për bilancin e ujërave nëntokësore.
  7. Vlerësime për ujërat termale dhe minerale.
  8. Vlerësime e studime për ujëmbajtjen në miniera dhe përcaktimin e prurjeve maksimale në punimet minerare.
2. Vlerësimin cilësor dhe të ndotjes së ujërave nëntokësore
Veprimtaria kërkimore që kryhet për vlerësimin e cilësisë së ujërave nëntokësore përmbledh:
  1. Vlerësimin cilësor të ujërave nëntokësore mbështetur në provëmarrjen dhe analizimin e tyre.
  2. Monitorimin e ujërave nëntokësore.
  3. Vlerësime e studime për ndotjen e akuiferëve.
  4. Qarkullimin e transformin e ndotjes antropike në tokë dhe ujërat nëntokësore.
  5. Përcaktimin e kohës tranzit të ujërave në mjedisin nëntokësor.
  6. Prirjen e zhvillimit të ndotësit.
  7. Vlerësimet për zonat e mbrojtjes së kaptazheve të ujrave të pijshëm.
  8. Vlerësime të intruzionit të ujit të detit në akuiferët bregdetarë.
  9. Modelime presion/ndikim për ujërat nëntokësore.
3. Monitorimin e Rrjetit Lumor të Shqipërisë
  1. Monitorimin e morfologjisë së shtratit dhe fenomeneve të tjera dinamike sediment-formuese, eroduese dhe rigjeneruese.
  2. Vlerësimin parametrik të ecurisë së këtyre proçeseve nëpërmjet riazhurnimit të linjave të morfologjisë së profileve.
  3. Zhvendosjet e kufirit të brigjeve të shtratit në zona problematike të dukshme.
  4. Hartografimin e impaktet të pranishme për zona të veçanta të shtretërve.
  5. Vlerësimin e përbërjes cilësore të ujrave rrjedhëse.