Takimi i 3-të i Partnerëve – Partnerët e Projektit AIMS mblidhen për të avancuar zgjidhjet e monitorimit të rrëshqitjeve në Rajonin ADRION

📍 Sarajevë, Bosnje dhe Hercegovinë – 13 maj 2025

Partnerët e projektit AIMS – Adriatic-IonianMonitoringSystemforLandslides, nga shtatë vende të rajonit ADRION (Italia, Sllovenia, Kroacia, Bosnje-Hercegovina, Serbia, Shqipëria dhe Greqia), u mblodhën në qytetin Sarajevë për një takim teknik dhe koordinues.
Takimi, i organizuar nga ResourceEnvironmentalCenterSarajevo, përbënte një moment të rëndësishëm për vlerësimin e progresit të deritanishëm të projektit, avancimin e komponentëve teknikë dhe forcimin e bashkëpunimit ndërkufitar drejt ndërtimit të një sistemi funksional për monitorimin dhe paralajmërimin e hershëm të rrëshqitjeve të tokës.
Takimi u hap me një prezantim nga partneri drejtues, Universiteti Politeknik i Marche (Itali), i cili foli mbi menaxhimin e projektit, raportimin financiar dhe vlerësimin e ndërmjetëm.

Përfaqësuesit nga Shërbimi Gjeologjik Shqiptar prezantuan progresin në përgatitjen e udhëzuesit teknik, që përcakton kërkesat dhe specifikimet për Sistemin e Monitorimit dhe Parashikimit të Hershëm të Rrëshqitjeve të Tokës. Ky dokument do të përfshijë pajisjet që do të përdoren për monitorimin e rrëshqitjeve, metodat për analizimin e të dhënave të përftuara, si dhe sistemet dhe protokollet e komunikimit që do të mundësojnë funksionimin efektiv të sistemit.

Përmes këtij takimi, u rikonfirmua angazhimi i përbashkët për përfundimin e Sistemit të Parashikimit të Hershëm për Rrëshqitjet, i cili do të ofrojë alarme të menjëhershme për skenarë të mundshëm afatshkurtër, me synim mbrojtjen e komuniteteve dhe infrastrukturës.
Projekti AIMS financohet nga programi Interreg IPA ADRION, përmes fondeve të Bashkimit Evropian (ERDF dhe IPA III).

Partnerët e projektit AIMS – Adriatic-IonianMonitoringSystemforLandslides u mblodhën për Takimin e 3-të teknik dhe koordinues! 🌍🤝
🔍 U Diskutua mbi Sistemin e Monitorimit dhe Paralajmërimit të hershëm të rrëshqitjeve
🧠U prezantuam platformën digjitale
🇦🇱 Shqipëria e përfaqësuar nga Sherbimi Gjeologjik Shqiptar me kontribut konkret në përgatitjen e udhëzuesit te monitorimit te rreshqitjeve
📢 Bashkëpunim ndërkufitar për një rajon më të sigurt dhe të qëndrueshëm ndaj rreziqeve natyrore!