Drejtori i Përgjithshëm i Shërbimit Gjeologjik Shqiptar, Z. Adrian Bylyku, mori pjesë në Konferencën e Pestë Digjitale të organizuar nga EAGE (EuropeanAssociationofGeoscientistsandEngineers) në Edinburg, Skoci, në datat 24-26 Mars.
EAGE Digital 2025 mblodhi së bashku biznesmenë, ekspertë të industrisë së naftës, inxhinierë dhe shkencëtarë në fushën e gjeoshkencave që punojnë me AI dhe teknologji të reja dixhitale.
🔍 Disa nga temat kryesore të diskutuara:
✅ Aplikimi i AI dhe teknologjive digjitale në përpunimin e të dhënave sizmike, zbulimin e veçorive gjeologjike dhe zhvillimin e punimeve bazuar në të dhënat e gjeneruara nga AI.
✅ Përdorimi i AI për zbulimin e veçorive gjeologjike nëpërmjet segmentimit të imazhit, duke sjellë një nivel të ri automatizimi dhe saktësie në interpretimin e të dhënave.
✅ Automatizimi i proceseve për rritjen e saktësisë dhe reduktimin e kohës së përpunimit
✅ Përdorimi i AI për eksplorimin dhe menaxhimin e burimeve natyrore, duke mundësuar analiza më të sakta dhe optimizim të vendimmarrjes në industrinë energjitike dhe gjeologjike.
✅ Përdorimi i AI për menaxhimin e të dhënave si dhe modernizimi i të dhënave sizmike.
Ishte një mundësi shumë e mirë për të shkëmbyer ide me profesionistë të fushës dhe të asistoje nga afër ndikimin e Inteligjencës Artificiale në fushën e Gjeoshkencave.
Duke krijuar mundësi fantastike për të eksploruar sesi Inteligjenca Artificiale po reformon mënyrën tonë të të punuarit, duke sjellë efikasitet dhe saktësi më të lartë në interpretimin e të dhënave sizmike dhe gjeologjike.