Drejtoria e Burimeve Minerale

• Kryen studime përgjithësuese mbi gjendjen dhe perspektivën e pasurive minerare, vlerësimin e rivlerësimin e rezervave të mineraleve metalorë, jometalorë, mineraleve ndërtimorë, lëndëve djegëse të ngurta, ndërtimin e bazës së të dhënave për to.
• Harton projekte kërkim-zbulimi, harta të veprimtarive minerare për kërkim-zbulimin e mineraleve metalorë, jometalorë, mineraleve radioaktivë, mineraleve ndërtimorë, lëndëve djegëse të ngurta.
• Ndërton harta të pasurive minerale të të gjitha shkallëve për të gjithë llojet e mineraleve
• Jep mendime e rekomandime për zhvillimin e strategjisë minerare.
• Bën promovime dhe prezantime të studimeve të hartave mbi pasuritë minerale, gjeomonumentet, gjeoparqet para institucioneve qendrore e lokale.
• Shqyrtimin e plotësimit e kushteve të dhënies së lejeve minerare të kërkim-zbulimit, shqyrtimin e plotësimit të kushteve për shtyrje afati të lejeve minerare të kërkim-zbulimit, shqyrtimin e informacioneve 3-mujore, vjetore, planeve vjetore të veprimtarisë minerare të kërkim-zbulimit
• Kryen akt-verifikimin e zonës minerare të kërkim-zbulimit për grupin e mineraleve metalorë, jometalorë, qymyret e bitumet, mineralet radioaktive, si dhe mineraleve ndërtimorë për zonat e hapura dhe konkurruese.
• Bën oponencën e projektit të zhvillimit të veprimtarive minerare të kërkim-zbulimit, të planit të rehabilitimit, vlerat e garancive financiare për realizimin e programit minimal të punës dhe planit të rehabilitimit të zonës minerare për lejet minerare të kërkim-zbulimit.
• Vlerëson raportin përfundimtar të veprimtarisë minerare të kërkim-zbulimit, realizimin e programit minimal të punës, investimeve, punimeve gjeologjike të realizuara, rezervave të zbuluara në sasi e cilësi, operacioneve të kryera për rehabilitimin e mjedisit, menaxhimin e mbetjeve minerare në përputhje me detyrimet planifikuara e miratuara për lejen.
• Mbikëqyr respektimin nga titullari i lejes të kushteve të lejes së kërkim-zbulimit dhe të normave të detyrueshme të legjislacionit në fuqi për veprimtarinë minerare.
• Kryen inspektime për ndjekjen e respektimit të dispozitave të ligjit minerar, lë detyra, merr masa administrative, propozon marrjen e tyre nga Ministri, si pezullimin e punimeve të veprimtarisë minerare deri në ndalimin e veprimtarisë, heqjen e licencës së ushtrimit të profesionit.
• Kërkon informacion nga zotëruesi i lejes sa herë e vlerëson që ai përdor praktika të dëmshme të kërkim-zbulimit të mineraleve, për respektimin e standardeve mjedisore sipas legjislacionit në fuqi, apo drejton operacionet e punës në kundërshtim me ato të parashikuara në projektin e miratuar, si dhe për çdo të dhënë tjetër për të llogaritur detyrimet financiare që ka zotëruesi i lejes sipas ligjit.
• Raporton në Drejtorinë e Përgjithshme të Shërbimit Gjeologjik Shqiptar, Ministrinë e Infrastrukturës dhe Energjisë për kontrollin e zbatimit të legjislacionit minerar për lejet minerare të kërkim-zbulimit.

Drejtoria përbëhet nga dy sektorë: